పాడిపసరం, పసిబిడ్డ ఒకటేనన్నట్టు..

వ్యవసాయం ఆధారంగా జీవించే కుటుంబాలు ఎక్కువ ఉన్న మనదేశంలో వ్యవసాయ నేపథ్యం నుంచి అనేక జాతీయాలు ఆవిర్భవించాయి. ఈ జాతీయం కూడా అలాంటిదే. పసరం అంటే పశువు అని అర్థం. పాడిపసరం అంటే పాడిగొడ్డు. అది ఆవు కావొచ్చు, గేదె కావొచ్చు. అలాంటి పశువులను ఏదో పశువులే అని నిరాదరించకుండా నిర్లక్ష్యం చేయకుండా ఇంట్లో పసిబిడ్డను ఎలా అయితే ప్రేమతో చూసుకుంటారో అలానే చూసుకోవాలి. అలా కాకపోతే నష్టమే అని తెలియచెప్పే సందర్భాలలో ఈ జాతీయ ప్రయోగం కనిపిస్తుంది.

మూలం/సేకరణ: 
eenadu.net