గొర్రెలకు తోడేలు కాపరి అన్నట్టు

సంరక్షణ బాధ్యతలను అమాయకంగా నమ్మి మోసగాళ్లు, శత్రువులకు అప్పగించిన సందర్భాలలో ఈ జాతీయ ప్రయోగం కనిపిస్తుంది. గొర్రె తోడేలుకు ఆహారం. అలాంటిది ఆ తోడేలును గొర్రెలకు కాపలాగా ఉంచితే ఏం జరుగుతుందో ఎవరైనా వూహించవచ్చు, ఈ వూహ ఆధారంగానే ఈ జాతీయం ఆవిర్భవించింది. ''విషయమంతా ఆయన దగ్గర చెప్పటమంటే గొర్రెలకు తోడేలును కాపలాగా ఉంచినట్టే'' అనేలాంటి ప్రయోగాలున్నాయి.